新加坡過江龍人氣牛肉河 - 錦麗 Pho Le [坑口區]

近幾個月將軍澳坑口東港城進行區部裝修工程，二樓工程係近幾個月最終完工，新加入左唔少新店舖同餐廳，而錦麗就係其中一間。佢位於一田超市附近，隔離重要一間成日都好多人排隊既日本拉面店，有機會一定要去試下係咪真係咁好味所以咁多人排隊 haha。咁今日就揀左錦麗做晚餐，星期六7.晚飯時間唔算話好多人，目測有around 10個人排係前面，而total等左around 15-20mins就有得入。佢店面唔算好大，食物選擇更以簡單為主，只有數項面類。事實上泥到越南餐廳，Pico係一心想食撈檬，但點知入到泥先知原來無，其實有啲失望。不過！咁人地主打牛肉湯面咁一定要入鄉隨族，唔好咁多要求啦。很抱歉忘了影門面，有機會再去會補上。

頭先都講左佢地既食物選擇唔多，而其中一個佢地推介小食就係米紙卷。如果對越南菜有小小認識都知道米紙卷係越南其中一個特色小食，就好似如果要你講韓國其中一個特色小食，你會答係辣炒年糕咁。咁佢門面就有店員即包米紙卷，睇落都覺得唔錯既，所以Pico都叫左一碟米紙卷試下。 入座後，店員隨即送上配菜同餐牌。點餐方式係直接填係張紙上面就ＯＫ架啦。枱上面重好親切咁有說明教你點食個牛肉面添。

 1. 燒雞肉米紙卷 $28
雖然Pico好鐘意食撈檬，都幾常去食越南菜，但叫泥個米紙卷都係第一次，因為成日都覺得佢只係將啲蔬菜包埋一齊，無咩特別。 咁試完之後個人覺得咁幾好食既，但一定要點個汁先好食唔係就會無咩味，有啲奇怪。但總而言之，以一個對米紙卷無咩心感既人泥講佢都算唔錯，而價錢亦都算過得去。

好食指數 6/10 抵食指數 5/10

2. 錦麗綜合粉 $62
佢既牛肉湯真係無得頂，飲完係唔會覺得口渴既，而料比睇外表既多，不過可能只係因為叫左綜合粉，咩都有少少所以先覺得多。綜合粉有牛丸和生熟牛肉。熟牛肉個人覺得有啲似好好味既牛腩，可能係因為我以為佢會同生牛肉一樣只不過係煮熟左先咁解，不過味道上都唔錯。牛丸就係一般牛丸一樣，不過應該唔係用雪藏貨。不過佢明顯係主打個湯，個湯清得泥又重牛肉味，唔會飲到成口味精要一邊飲水一邊食面。

好食指數 6/10 抵食指數 4.5/10

3. 錦麗生牛肉粉 $58
牛肉湯既味道一樣，所以不宜再評。所以係到我就講下個生牛肉，個生牛肉好嫩滑，可惜既係佢唔算多，不過都幾大舊，都至少有4-5舊既。可能因為只係得生牛肉，睇落去好似好少咁。

好食指數 6/10 抵食指數 4.5/10

依到有樣唔好既就係太過簡單，簡單到連杯水都無，佢話佢地都係會賣樽裝水比我地，希望只係因為佢地新開未有啦，因為見佢啲飲品都幾貴下真係好咩動力去試。而雖則依個牛肉湯相比一般個啲無咁重味精，但食完點都想飲杯水既，而最後行行下就不知覺地返到屋企先有飲水 haha。

餐廳資料:

名字: 錦麗 Pho Le

地區: 將軍澳坑口區

地址: 將軍澳重華路8號東港城2樓223號舖

營業時間: 11:30 - 16:30 ; 17:30 - 22:15

分店: 大埔安邦路3號大埔超級城C區1樓518-520號舖

          觀塘觀塘道418號創紀之城5期(apm)4樓19號舖

          九龍灣偉業街33號德福廣場1期F29號舖

以上是Pico的個人意見 謝謝

正宗舔舔脷炸醬麵小店 - 秋子島 Chujado Restaurant [鰂魚涌區]

等朋友放工食飯已經等到8.幾，兩個人去左太古坊附近覓食，係距離地鐵站不遠的一條街就重有幾間餐廳未收，而依間韓國餐廳就係我地最後既Choice啦。大家知港島地區租貴，鰂魚涌太古地段都算係出名貴價地區，所以窮孩子就選擇了泥間價錢上看似比較親民既韓國餐廳啦。

夜晚8.幾，已經算係過左晚飯時間，店裡面得返兩位客人，聽聲好似係韓國人泥既，所以感覺都幾好。而堂食位置不多，最多15-20人享用。話說老闆娘(應該係)同另一個廚師係用普通話溝通，但又講韓文，令到Pico好混亂，到底老闆娘到底係咩人。








1. 炸醬麵 $45
一上碟既時候坦白講有少少失望就係點解佢係烏冬泥既？再一次圖文不乎。但無所謂啦，只不過以為佢會係好似韓國正宗炸醬麵咁解。不過唔計面底既話，外貌上係正常既。好啦，咁係味道上我就比100分。佢係味道上真係好好食，而且佢有好多薯仔都幾足料，甜甜鹹鹹的味道拿捏得好好，甚至好味過係韓國食既炸醬麵。但唯一既唔好處就係個人比較喜歡黃色幼面個個面底。

好食指數 8.5/10 抵食指數 6/10













2. 雞絲湯(送飯) $75
成日唔係屋企食飯就特別想係出面飲湯，所以就叫左一個雞絲湯，清清淡淡咁。韓國湯一般好重胡椒味，而依個都唔例外,不過好多胡椒粉都沈哂係底所以飲到底想覺得好大味。雞絲有好多但無咩特別。總括而言，無咩特別。

好食指數 4/10 抵食指數 3/10

3. 原味炸雞 (一半) $85
一開始以為佢會係韓國式既炸雞，但點知最後會變左KFC炸雞。無論係外表定味道上，佢係一碟肉質鮮嫩既KFC炸雞。值得一讚既係佢個蘿蔔好酸好好食，Pico食到唔停口，唔小心叫左佢refill添。建議陪送一啲醬會好啲，或者唔好叫原味叫下其他味。

好食指數 5/10 抵食指數 44/10

餐廳資料: 

名字: 秋子島 Chujado Restaurant

地區: 鰂魚涌區 

地址: 鰂魚涌海光街4號多寶樓地下D3號鋪

電話: 56615823

以上是Pico的個人意見 謝謝

榴槤迷必入之高級酒店高級享受 - Promenade 西餐廳 「榴」芳百世「士多啤梨」下午茶自助餐 [紅磡區]

作為榴槤和草莓的愛好者，Pico當然不會放過有共同主題的自助餐啦。這已經是第二次來到Promenade西餐廳享用下午茶自助餐，Pico很喜歡下午茶自助餐，因為可以同時間免食了午餐和晚餐，更重要的是價錢相比晚上的自助餐更加划算。一般比較高級的酒店晚上自助餐都大約$400 per person，但這次的下午茶自助餐只需要大約$260 per person！！！ 這個價錢根本和外面的日本放題差不多吧，但是味道真的很不錯。不過其實它原本是$288 per person + 10% 服務費，但openrice上有8折優惠卷，所以才會這麼便宜，不然就是大約$320 per person。記得去年openrice都有這個優惠卷的，有意去食的朋友記得一定要把這個優惠卷印出來呀，優惠卷連接在下面餐廳資料那裡。不過如果忘記了列印優惠卷的話，如果匯豐信用卡刷卡的話也可以享有85折，但就沒有折上折，所以還是用優惠卷最划算。

它的食物種類以下午茶自助餐來說已經算是多元化了，當然沒有大量的海鮮和昂貴的食物。首先，開胃菜中有凍蝦和青口，這兩項都很鮮甜，有點意外，但青口並不是每一隻都好食，但大部分都很不錯。冷盤旁邊還有西式的三明治，但這些會霸佔胃的食物Pico就沒有試了。

食完冷盤，Pico就去了日本料理區。魚生有三款--三文魚、吞拿和一款不會的魚類(歡迎大家告訴Pico)，它的魚生不太新鮮，不太吸引，所以Pico也沒有去嘗試，甚至顏色看起來不比爭鲜好呢。壽司方面種類正常，它的飯有點大，味道以自助餐來說就不過不失。冷面有蟹柳和玉子配送，太多人所以就照不到了。壽司下面有芝麻八爪魚和泰式青木瓜沙拉，前者很大顆後者Pico就覺得泰國的比較好食啦。

熟食方面它分為中式區和西式區，中式區的有現點的粥點和面，還有燒賣和蝦餃，整體就正常沒有特別，特別的地方就是它提供很多配料給粥點。記得上一次去的時候它是有生滾粥的，就是現煮的，但這次就只有自己撈的白粥了，有點可惜。

另外一邊就有各式各樣的天婦羅、炸物和熟食，大部分都是很一般，因為這個自肋餐主要都是sell甜品為主啦。其中有一個很特別的就是酥炸田雞，個人就不太喜歡，但很特別。最好食的就是燒烤醬去骨燒雞翼，它上面有芝士，很香很好食，去了骨之後食的非常方便，還有Pico最喜歡的小軟骨呢，這是會再拿的食物。

食了那麼多熟食，是時候介紹這個自肋餐的重點-甜品區。它的甜品種類超級多，平時不常見的都一一同時出現。首先，它有人手即整的pancake，有原味和斑蘭味，還可以幫你加水果。我選了榴槤和斑蘭味，斑蘭頗突出的，挺不錯，而且它榴槤量給很多，一點也不手軟。另外一個想介紹的就是梳乎里，味道其實很普通，但一般酒店自助餐不會預料有這麼多款的梳乎里，它有焗的，也有煎的那款，不知道大家明白的意思嗎haha。雪糕方面也有haagen dazs任食(有五種口味)，其中的咖啡味真的很好食！

 榴槤和草莓作為主題，怎麼會少了它們呢？一顆顆草莓可以在巧克力噴泉那裡拿，但它的草莓很普通，不像Pico之前去的帝京酒店士多啤梨下午茶自助餐，那裡有一棵士多啤梨樹，全部都明顯係入口士多啤梨(應該是韓國的，日本的太貴了)，非常鮮甜，雖然Pico在這裡也食了20多顆。而榴槤就非常非常非常高質，你可以任拿，味道非常好非常香，應該是金枕頭。很多人都拿了一整碟回去，沒有了的話它會立刻再拿新的出來。

最後就是飲料方面，它的款式並不多，只有咖啡、茶、橙汁等幾項。但其實胃容量不大，還是食甜品好了。

這個自助餐重點就是榴連，最可惜的部分就是士多啤梨的質素不是我想像中的那樣，但不停食榴連其實也很滿足啦。有問題可以隨便問我 ;)

餐廳資料: 

名字: Promenade 西餐廳

地區: 紅磡區

地址: 紅磡都會道7號都會海逸酒店7樓

主題期限: 01/01/2018 - 28/02/2018

電話: 31606880

下午茶自助餐時間: 1530-1730 

優惠卷連接:
https://www.openrice.com/zh/hongkong/offer/%E4%BA%8C%E6%9C%88%E4%BB%BD%E3%80%8C%E6%A6%B4%E3%80%8D%E8%8A%B3%E7%99%BE%E4%B8%96%E3%80%8C%E5%A3%AB%E5%A4%9A%E5%95%A4%E6%A2%A8%E3%80%8D%E4%B8%8B%E5%8D%88%E8%8C%B6%E8%87%AA%E5%8A%A9%E9%A4%90%E9%AB%98%E9%81%948%E6%8A%98%E5%84%AA%E6%83%A0-promenade-%E8%A5%BF%E9%A4%90%E5%BB%B3-o38197

以上是Pico的個人意見 謝謝

真材實料平靚正小店SUSHI - 明皇壽司外帶店 [元朗區]

元朗區的日本料理店很多，但同時價錢也相對上比較高。今天和友人一齊去一家日本小店試一下。明皇壽司其實開店已經十多年，以前是位於西菁街(元朗千色後面)的一間迴轉壽司，但因為鋪租的問題就倒閉了，後來就搬到這裡做小店，聽說兩家的老闆是同一個人的，但事實是怎樣Pico就不確定啦。裡面的位置不大，頂多只有16個人可以堂食，所以它主要是作外帶的。

星期六7.的人流不算多，可能是因為元朗的美食太多了吧，等了5-10分鐘就有位子了。

1.蟹籽沙律 $35 

它的量不算是很多，但比例非常的好。相比青瓜，它有很多的蟹柳沙律，也不會有太多的沙律醬(台灣的美奶滋)，所以口感很豐富。因為外面的蟹籽沙律只會有很多青瓜和醬，食起來像是青瓜沙拉。兩個人食剛好是開胃菜。

評分:

好食指數 8/10

抵食指數 5/10

2.壽司

它的壽司很傳統，是在廉價小店很少見的少飯壽司，當然它的料也不少。Pico覺得不過不失的，不會覺得很驚訝，但很好食，個人覺得焰燒芝士鰻魚壽司最特別。

鰻魚壽司 (每碟2件) $17一碟

焰燒芝士鰻魚壽司(每碟2件) $22一碟

焰燒芝士蒜香三文魚腩壽司(每碟2件) $22一碟

芝麻八爪魚壽司(每碟2件) $15一碟

蟹籽沙律腐皮船(每碟2件) $17一碟

評分:

好食指數 6/10

抵食指數 7/10

3.香脆雞軟骨餃子(4隻) $28

Pico很喜歡食蕃滿門的雞軟骨餃子，因為很特別和Pico喜歡食有軟骨的食物。所以就二話不說的多點了這個餃子。果然很有驚喜，軟骨不算少，而且很脆，明顯是即叫即炸的。要挑剔的話可能就是說可能就有一點點油，但它是炸物啦.....原諒它吧。它上面有適量的甜醬油，不多也不少，剛好可以用來平衡它的油膩。不過這個可能會有一點點個人口味，說實在也沒有很特別而已。

評分:

好食指數 8/10

抵食指數 5/10

4.日本吉列牛肉薯餅(2件) $28

因為很想念日本便利店的可樂餅所以就叫了一份。其實上菜的時候我已經很飽了，所以感覺不太吸引到我，它的薯仔打的很碎很綿，味道算是正常吧，只是有一點點油膩，不過炸物油膩是正常的啦。

評分:

好食指數 5/10

抵食指數 5/10

以下是店裡的餐牌，住附近的話可以考慮外帶回家。

店裡還有更划算的午餐set，好像大約$50就已經有10件壽司了，但當然那些口味都是比較普通的。不過其實今晚Pico都有猶豫要不要點佐賀盛，它有30件壽司但只要$278，是挺划算的，不過因為兩個人好像太多了，所以就單點了。

最後Pico兩個吃了大約$200，兩個人都已經很飽，所以幸好沒有點這個sushi set.

餐廳資料:

名字: 明皇壽司外帶店

地區: 元朗區

地址: 元朗鳳攸南街3號好順景大廈38號舖

電話: 2442 2229

營業時間: 12:00-22:00

以上是Pico的個人意見 謝謝